"საშინელი ავარია იყო..." - ქუთაისის გასასვლელთან ერთმანეთს ოთხი ავტომობილი შეეჯახა
ქუთაისის გასასვლელთან, სამტრედიის გზაზე, ოთხი ავტომობილი ერთმანეთს შეეჯახა.
როგორც ადგილზე მყოფმა განაცხადა, მსუბუქად დაშავდა ოთხი ადამიანი, რომლებიც სასწრაფო-სამედიცინო დახმარების ჯგუფებმა საავადმყოფოში გადაიყვანეს.
"საშინელი ავარია იყო, ზოგი ავტომობილი ძლიერადაა დაზიანებული, ზოგი კი ნაკლებად. ადგილზე ქაოსი სუფევდა. იმედია, ყველა კარგად იქნება, დაშავებულები საავადმყოფოში არიან გადაყვანილები", – განაცხადა თვითმხილველმა.
მომხდარზე გამოძიება საქართველოს სისხლის სამართლის კოდექსის 276-ე მუხლით დაიწყო.
FB კომენტარები
